சுட்டித் தம்பி

சுட்டித் தம்பி குட்டிப் பாப்பா
    எல்லோரும் ஒன்னா வாராங்க
கட்டிக் கரும்பாம் கனியாம் தேனாம்
    கல்வியை கற்றிடப் போறாங்க

 துள்ளிச் செல்லும் புள்ளி மானாய்
    துடிப்புடன் கற்றிட வாராங்க
பள்ளி சொல்லும் பாட்டும் கதையும்
    பாங்காய் பெற்றிடப் போறாங்க

 படிப்புடன் பேச்சும் பட்டும் திறனும்
     அடிப்படை எல்லாம் கற்பாங்க
பாரினில் சிறந்த பாரத நாட்டில்
     பண்பின் தூண்களாய் நிற்பாங்க

 நாடும் உயர்ந்து நாமும் உயர
     நல்வழி எல்லாம் சொல்வாங்க
நாளைய உலகில் யாவரும் போற்றிட
     நலமுடன் வாழ்வில் வெல்வாங்க.
                                                     - இள.புகழேந்தி

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

குழந்தைகள் தினம் (கவிதை)

ரோஜா மலரை மார்போடு       ராஜா போலே சூடியவர் தேசத்திற்காய் போராடி        தியாகம் செய்த செம்மலவர் பதினான்கு நவம்பர் நன்னாளில்       பாரத மண்ணில் உதித்தவராம் பண்பும் பணிவும் ஒருசேர        பாரில் என்றும் நிலைத்தவராம் தேசத் தந்தை காந்திமகான்        தேடிக் கண்ட ஒரு தலைவர் பாசத்துடனே குழந்தைகளை        பார்க்கும் நல்ல மனிதரவர் பாரத தேசப் பிரதமராய்        பலநாள் முன்னர் இருந்தாரே! ஆசிய ஜோதி என்றவரை        அன்புடன் மக்கள் அழைத்தனரே! குழந்தைகளுடனே மகிழ்வோடு         குதூகலமாய் பேசுபவர் குழந்தைகள் தினமே அவராலே        கொண்டாடுகின்றோம் மனம்போலே.
இன்னும்»

தந்தைப் பெரியார்

உலகில் என்றும் உயர்ந்தவர் யார்? ஊருக்கு உழைத்த உத்தமர் யார்? கலகம் நிறைந்த நாட்டினிலே  கண்ணியம் காத்த பெரியவர் யார்? பகுத்தறிவிற்கே பகலவன் யார்? பண்பைப் போற்றி மதித்தவர் யார்? வகுத்த கொள்கை   உயிர் பெறவே  வயலின் தென்னை அழித்தது யார்? சமத்துவம் தந்தச் சான்றோர் யார்? சாதிய  மறுப்பைக் கொண்டவர் யார்? தமக்கென வாழாத் தகையாளர்  தந்தைப் பெரியார் அவர் தானே. வைக்கம் வீரர் என்பவர் யார் ? வையம் வாழ நினைத்தவர் யார்? தைக்கும் ஊசியை நாவினிலே  வைத்து மடமையை ஒழித்தவர் யார்? அன்பின் வழியைக் கொண்டவர் யார்? அகிலம் போற்றும் அறிஞரும் யார்? தொண்டின் வழியில் நடைபோட்ட  தூய  தந்தைப் பெரியார் தான். பெண்ணுரிமைக் குரல் கொடுத்தவர் யார்? மண்ணுயிர் போற்றும் மனிதரும் யார்? எளியோர் வாழ வழி செய்த ஈரோடு தந்தைப் பெரியார் தான்.                                                  - இள.புகழேந்தி                                                                   17/09/2018
இன்னும்»

கர்மவீரர் காமராசர்

படம்
கள்ளம் இல்லா வெள்ளை மனம்   கதரை அணிந்த கருந்தேகம் சொல்லில் அடங்கா அவர்புகழை   சொல்லவும் கேட்கவும் சுகம்தானே ! கல்வி என்ற சொல்லுக்கே   கண்ணியம் செய்த பெருந்தலைவர் பள்ளி செல்லும் குழந்தைகளின்   பசியைப் போக்கிய மாமனிதர் . நாட்டில் தொழில்கள் பெருகிடவே   நல்ல திட்டம் தீட்டியவர் , ஆற்றின் குறுக்கே அணைகட்டி   ஏற்றம் பெற வழி காட்டியவர் . விருது நகரின் விருதாக   விளங்கிய காம ராசரையே தொழுது நாமும் நாள்தோறும்   தூய வழியில் நடப்போமே !                                    இள.புகழேந்தி
இன்னும்»